Bruk kulturminnesøk til å lage deg eigne turmål i Oslo i sommar. Utforsk freda kulturminne i din by!
Oslo
Oslo er Noregs hovudstad. Det er den største byen i Noreg, og har ei lang historie. Som dei fleste andre store byar i Noreg, så er det flust av kulturminne her. Det er ulike typar kulturminne, dei har ulik vernestatus, nokre er synlege, andre ligg under bakken. Denne sommaren kan du bruke til å utforske din heimby. I Kulturminnesøk kan du finne kulturminne i ditt nabolag. Du kan også planlegge turar til kulturminne. Kanskje finn du restar etter eit gammalt hus i marka eller ein gravhaug i sentrum?
Her finn du ei liste over vedtaksfreda kulturminne i Oslo:
Bergen
Bergen er ein gammal by. Bjørgvin var i fleire år også Noregs største by, hovudstad og hovudsete for kongen. Her er det flust med kulturminne, både nye og gamle. Verdsarvstaden Bryggen ligg for eksempel midt i det ein kallar mellomalderbyen, eit område som har arkeologiske kulturlag som strekk seg 1000 år tilbake i tid.
Her finn du ei oversikt over vedtaksfreda kulturminne i Bergen.
Trondheim
Trondheim er senteret i Trøndelag. Rockebyen er ikkje berre kjend for musikk, men har også ei spanande og årelang historie. Pilegrimar kom frå langt sør i Europa for å oppleve Nidarosdomen, og byen var eit senter for makt under vikingtida. Byen har mange freda kulturminne. Både bustadhus og kyrkjestader. Kanskje passar det med ein bysafari, med ein påfølgjande kaffi i kulturmiljøet baklandet?
Her finn du ei oversikt over vedtaksfreda kulturminne i Trondheim.
Dei store byane i Noreg er fulle av spanande kulturhistorie. Med Kulturminnesøk finn du enkelt informasjon og lokasjonen til kulturminnene i eit område. Hugs berre på at nokre kulturminne er i privat eige.
Vis omsyn, og ha ein flott tur!